হেরে দিয়া গেছে গিয়া SYLHET 24 SYLHET 24 BANGLA প্রকাশিত: ২:১৫ অপরাহ্ণ, সেপ্টেম্বর ২৬, ২০২৪ কবি রেবা গোস্বামী (মৌলভীবাজার): হেরে দিয়া গেছে গিয়া, পাইলায় নি গো সই? অতো ইলশা পড়লো ধরা, ইতা সব গেলো কই? পদ্মার ইলিশ খাইতে মজা, আশায় আশায় থাকি। বাজার দাম তো অতো চড়া, দুখখান কুনানো রাখি? ইবার হুনলাম ইলশা বুলে, বিকবো পানির দামে। বাজার ঘুরিয়া ইলশা তুকাই, পাইনা তো সোনার দামে। হৈরো বাটি আগে রাখছি, খালি আদা বাটা বাকি। টেপির বাপে আক্তা কইন, ইলশায় দিছে ফাঁকি। তিন হাজার টন ইলশা বুলে, গেছেগি কান্দাকাছা কুবাই। আমার দেশোর জাত্য মাছ আর, খাইলাম নারে বইন-ভাই। হারা জীবন বাংলার মাইনষে, খাইয়া গেলো খালি ধোঁকা। ইতিহাসো থাকবো লেখা, আমরা যে কিজাত বোকা। হৈরো বাটা থাউকদে নাইলে, রানমু নে রেগো মাছ পুটি। ধনিয়া পাতা দিয়া তানরে, করিলাইমু পরিপাটি। টেপির মায়ে করমু কিতা, মাইত্তা তো লাভ নাই। আমরার দেশোর ভালা কুন্তা, আমরা তো কোনদিন না পাই। ভালা থাকইন হকলে কাইয়া, পুঁটি,মখা-পাইয়া খাইয়া। ইলশা খাইমুনে রে ভাইরে, ঘুমোর মাঝে স্বপন দেখিয়া। প্রেরক: সত্যজিৎ দাস। সিলেট ২৪ বাংলা/এসডি. SHARES আঞ্চলিক বিষয়: